| 我沒有想過這天會發生這樣的事情 而且是我 我真的好傷心 為什麼我們會這樣的 為何要這樣分開我們? 我真的不想 一億個不願意這樣的選擇 有誰能幫助我們了? 我想沒有了......... |
| |
| 今日要返工 不過返到都無野做 係度傾計 傾左一陣 因為無咩人返啦! 同ho傾左一陣 放工啦! 即刻走啦! 因為有你係樓下等我呀! 好開心 可以見到你啦! 你知道嘛, 我真係好掛住你 好想快d見到你 同埋好想日日都見你 或者可能唔係成日見 所以特別掛住你 到左樓下 就見到你啦! 我地就行路去葵芳 我地今日的目的地係葵芳 首先食左野先! 食左好耐無食的腸粉 & 魚翅 & 雞蛋仔 之後飲左台式飲品 所有野都好good 因為是同你一齊食 所以一切都咁美好! 食完就行街街了 睇下d平衫先 希望會有平野啦! 好彩都買到幾件野 good 打後都唔再買衫了 之後去左新都會影相 因為好耐呀! 可惜d人都唔太識影相 影得唔清 不過唔知點解你今日好累 於是坐底休息一會了 之後我地就繼續行下新都會啦! 只係睇 根本無野岩的 去左書局 買左本記事薄 不過今日都買左好多野 但係你就一樣野都無買到囉! 放心啦, 我會好好獎勵你的^^ 行到夜晚就去搵野食了 本來打算去荃灣食板前的 但最後都懶得去了 於是係新都會度食啦! 不過都諗左好耐食咩好 原來最尾都係食m記 所以其他野都唔食囉! 哈哈...我地就係咁樣! 普通人唔食的野 我地就偏偏去食 m記係好好味! 多謝你陪我食^^ 想起我們的事 我真的好開心♥ 多謝你對我的體貼 因為我真的好害怕 還好我身邊有你 多謝你給我的一切 我真的好幸福呀 我愛你♥ Louis ♥ 你是最好的 |
| |
| 今日短週呀! 唔駛返工真開心! 無辦法啦, 係間咁無士氣的公司做野 真係過一日得一日 都唔知幾時先至可以公平對待 有d咁既上司 真係做咩都無動力啦! 唉...面對不停地cut人 都唔知幾時會到自己 真係幾擔心 希望可以快d無事啦! 咁樣做落去 真係好無心機的! 放假 就唔好諗公司的野了 好好享受我的假期^^ 可惜今日你要返工呀! 於是我地約左係太子等 我又遲到了 真是對不起 見到你 好耐無見啦! 真係呀, 今日的你好靚仔 之後就去食lunch啦! 知道你肚餓的了 去左食米線 一樣咁好味! 食飽後就去行街了 好想買好多野 點知行行下途中 想買野的時候 發現自己無帶銀包囉... 真係呀.. 唯有靠你了 多謝你呀 之後去花園街 真係好多人 街上面都有好多聖誕的裝飾了 想買鞋 可惜睇唔中 之後去新世紀了 哇 個商場變身了 換上聖誕裝飾 好靚呀! 於是就去影相了 好彩我有帶相機 影左幾張相 就去行一行了 之後去左遊樂場坐一坐了 坐低傾下計 再睇下d小朋友 都好開心 而且我地都傾左好多未來的野 說真 我真係好想快d成真 我想見你多一些呀! 休息完我地就繼續了 去左旺中 哇 真係超多人 無咩衫岩的 都唔知點算 買又買唔到衫 無辦法啦! 唔知點解你係咁咳 無啦啦 可能係哩度空氣污染指數太差了 令到你唔舒服 所以就離開旺中了 去左朗豪坊了 又換左個聖誕裝飾 都好靚 但唔知個主題公仔係咩 好似好熟 但又唔知係咩囉.. 不過都好似無以前咁靚了 不過走的時候個正門好靚 好鐘意d閃閃的燈 一大堆一齊的時候好靚 之後就去食野了 去左女人街一間野食 經濟又好味 good 之後再去行一陣 本來想幫家姐買野的 但搵唔到 唯有下次再睇過啦! 之後你就送我去搭車了 真係唔想時間咁快過 見你咳得咁辛苦 而且又累 返到去要好好休息一下 快d無事呀! 見到你唔舒服我個心都好痛 好彩返到去 你話就無咳了 真是奇怪 唔通真係咁大分別? 不過都唔重要 最重要係你無事 就是最好的了♥ 你開心所以我都開心♥ 我愛你♥   ♥新世紀影的!! ♥朗豪坊影的!!
|
| |
| 21/11/2009 昨晚係寒冷的天氣下 返到鄉下了 真係唔想郁呀!!~~ 今早10點起身了 而妹妹就早起身過我 因為今日的主角又係你 所以又要扮靚靚囉! 搞完一輪後 就ok了 妹妹真的好靚呀 著左件紅色的晚裝 very beautiful 婆婆公公等的親戚都到齊了 影了相 影完後就去酒樓了 擺左10圍 因為媽媽話只係請左d兄弟姐妹自己親戚 所以未請晒所有人 不過都好多人 好多唔係好記得係叫咩了 有d就變晒樣 變肥了 哈哈 真係認唔到 不過有d以前一齊大的 都結晒婚生埋仔啦! 大家的改變都好多 妹妹同d親戚獨自影左相 真係開心 最後到敬茶了 原來我們的習俗 係個男先至要敬 我阿妹就不用敬的 哈哈..阿roy你慢慢敬啦! 我就幫忙影相了 都未食過d咩野 就話散場了 真是快了 之後阿叔就車我地去探爺爺了 因為爺爺身體不好 所以沒有出黎 但見到爺爺都可以講到野 我地都安心d 見完就返去阿叔度了 又同bb玩 哈哈 識行路了 就周圍玩了 之後就返去我們的家 媽媽買的新居 很好呀 裝飾得不錯呀 我知道媽媽落左好多心機的 多謝媽媽 之後唐弟弟就同我地去食d野 就車我地去睇爺爺 同爺爺講byebye 之後就去搭火車了 就這樣一日一夜 圓滿結束了 而妹妹的婚事亦都順順利利完成了 就各自返家了 我就返筲箕灣 妹妹就返元朗了 媽媽 & 弟弟明天返黎 |
| |
| 20/11/2009 今日放工後就約左kiki食飯 因為6點放工 而約左阿妹佢地9:30 所以真的多謝kiki的幫忙 食完飯就搭車去火車站了 約左姐姐, 妹妹, 妹夫 & 弟弟係上水火車站等 哈哈...因為今晚我地一齊返大陸呀! 妹妹要擺酒請響下的親戚 不過妹妹就遲大到了 遲左三個字 不過原諒你地啦! 知道你地忙啦! 齊人後就出發了! |
| |
